اكسر الروتين كله

‫اسعفيني بالوصال وحدّدي موعد وكادي‬
‎العمر من دون وصلك }فيه نقص وفيه خله

حددي موعد لقا وبصوتك المبحوح نادي
‎ياثقل دم السهر في عين منهو غاب خله

ابعديني عن سوالف تنسمع في كل نادي
‎جزت من كل المجالس والسواليف الممله

وجزت من كثر العزايم والذبايح والمنادي
‎عشّني على مزاجك واكسر الروتين كله

ليلنا دوب استوى والشوق دوبه فيك بادي
‎والسهر لاغبت ماله عندنا مذهب ومله

لا تخليني لحالي كني ب سجن انفرادي
‎ويكبر الموضوع وابلش بك ولانقدر نحله

رد شوفي للعيون برجعتك يكفي تمادي
‎وجيب معك اللي اخذته غصب هاك الليل بالله

قلبي اللي راح معكم من سواد الرمش غادي
‎قلّه يعوّد عليّ ارجوك (انا طالبك قله)

نادته عينك . وفز وقام يمشي لا ارادي
‎وجيت راجع مالقيته فالصدر جالس محله

يمكن بوصلك معه يرجع ويصبح قلب هادي
‎يمتلي صبر ويقين ويمشي الموضوع فله

قوم هيا قال عادي؟ قلت: اي والله عادي
‎لومغير اشوي نسمر مع بعض والليل مله

الوعد فالموقع اللي تعرفه حسب اعتقادي
‎شوف (قوقل ماب) عندك يعرفه زين ويدله

#فهد_المنصوري