لما تكبر...

لـ ، ، في الحكمه والنصح، آخر تحديث :

التقييم
لما تكبر هتعرف
 إن كل حاجة
 بتتغير مع الأيام
 إن مش وقت ما تعوز تنام
 هتنام
 هتعرف إن حاجات كتير حبها بيقل
 ويمكن من حاجات هتمل
 حتى البشر حواليك
 يمكن يفارقوا عينيك
 وتلاقي وقتك طِوِلْ والعُمر مش بيقل
 وتشوف حاجات حواليك
 كنت في سنين فاتت
 تتمنى تملكها
 لكن ومن غير ليه
 ما ملكت فرصتها
 أما مشاعرها؟
 واللمعة في عيونك لو جبت سيرتها
 فأكيد خلاص ماتت
 ما الفرصة لو فاتت أو حد يسرقها
 أكيد خلاص بتموت
 من غير ما تلحقها
 قُصْر الكلام يا كرام لو عمرنا زهرة
 إياك تسيب غيرك ينحت بذور خيرك
 ويتركك ضعفان
 لكن أكيد لو كان شوكك في كل مكان
 هتفوح روايح حب وتمايل الأغصان
 ولا حد يقطف زهرتك و يتركك دبلان
 وإن كان شبابك طير
 حافظ عليه من الغير
 إوعاك في يوم تضعف
 لازم تكون بجناح أقوى من التيار
 في كل ريشة سلاح ويبهرك لو طار
 تشوفه دايمًا فوق وف قوته وسحره
 كل الطيور بيفوق ولبسمته أسرار
 حتى النجوم والقمر من رقته تحتار
 يبان صحيح هايم لكن عنيد جبار
 عايز تشوفه بجد؟
 شوفه مع صحابه عنده الحنين أنهار
 أصل الطيور ف السما بتشبه الأعمار
 إوعاك تسيب الطير
 يقع في إيد مخلوق
 هينكسر ريشه ويوقعك من فوق
 إوعاك تكون غلبان.

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر