لا تكبر الهقوه

مبطي عن القيفان ما مرت الراس
النفس طابت والدعاوي مريره

إن جيتها من شرق من غرب تحتاس
راحت حياتي رحلةٍ مستديره

الوضع متأزم من الساس ل الساس
صرت اتمنى نوم عينٍ قريره

واخذت من وضع الزمن درس حساس
بعد التجارب خذ نصايح خبيره

لا تكبر الهقوه وتفلس من الناس
نص الهقاوي ما توديك ديره

خل اتكالك بس في مذهب الباس
ما خاب رجلٍ كان ربي نصيره

ما ترفع إيدينك وترجع بالافلاس
لا اعطى كريم ولا منع منه خيره

اسجد لوجهه لا خفت صوت الاوناس
ولا تختصر دعواك لو هي قصيره

لو كان يعلم غيب الانفس بلا قياس
لا بد من سجده بها تستجيره

خل الخشوع يهدي إرباك الانفاس
واغنم دوا نفسك بستر وستيره