صفحة الزوار

لـ عوض الحربي، ، في غير مصنف، 32

صفحة الزوار - عوض الحربي

تكابرت شرهاتي على خيبة الاشوار
وكنيت صوت اللوم واصغيت لإزعاجه

تمر الثواني والدقايق على المحتار
وهو في غياهب عزلتٍ يرجي إفراجه

ما وده يبين حاجةٍ تلفت الانظار
على قو حسرتها ما عقد لها إحجاجه

لو انه ما يعلم وش نهايات هالمشوار
يلوعه نصيبه والزمن محكم إسياجه

عسى باقي ايامي ما تبحث خفا الاسرار
وانا مدري بغيب الزمن واللي نواجه

تمر الوجيه العابرة صفحة الزوار
يمرونها كلن يبي وصفة إعلاجه

وانا يوم اجيها ماني بعابر ومرار
اغني لها بيتٍ تولجني إحراجه

ترى المنتظر لو ما لقى من جهتك اخبار
تحده تفاكيره عن النوم لا احتاجه

© 2024 - موقع الشعر