ظل شيهانة

فوق الحسن بوجيهم زايد على الحسن الوقار ..
اصحابي هم حلو الحياه / الا حياتي كلها ..

افخر انا بوجودهم واحسني املك ديار ..
لامن تردد عنهم ( شيهانه صارو ظلها ) ..

ظلي انا كم اختلف ماهو فقط وقت النهار ..
ظلي اذا حل الظلام الشمس ليّ يهلها ..

ظلي اذا اقبل حزن / سيلٍ نوى قلبي دمار ..
سدٍ منيعٍ عن حزن / يعني ترا حنا لها ..

ظلي اذا ابكي قهر / نارٍ على الدنيا شرار ..
نارٍ تلضى تلتهب تحرق عِدا وتذلها ..

ظلي انا يامختلف ياحبٍ لعمري قرار ..
يازينة الدنيا بعد .. دنياي انتم اهلها ..