ملوك الجن

انا ماني وليدة امس ..
مدام الروح جنيّه ..

اذا تراهن امد الخمس ..
ملوك الجن اهل ليّه ..

سواد قلوب ليلٍ عمس ..
وجوه اعداء مخفيّه ..

حسدهم صابهم بالحمس ..
وغيره زادت الكيّه ..

عداوه جاتهم بالطمس ..
وردى الافعال مرئيّه ..

انا ماجي بغدر وهمس ..
ولا اطعن بالظهر خيّه ..

ولا مني يجيهم رمس ..
واشوه سمعة بنيّه ..

ومنغمسه بطيبي غمس ..
ولا اجهل من حكى فيّه ..

لاني واضحه كالشمس ..
انا دايم على النيّه ..

شياطين الظلام الدمس ..
ولغز القلب احجيّه ..

( لاني ماني بنت الامس ..
ونص الروح جنية )