وهذا الحزن يا اختي ولا يمكن تحسينه ..
وغبة حزن في قلبي اخبيها ورا الاضلاع ..
اعيشه صبر لكني جرحني اللي تقولينه ..
متى قلبي شكى حاله وقلبي ساكتٍ ملتاع ..؟!
تجيني في حكي كالجمر قولة( ذا )(........) ..
مكيده دسها قلبه .. مع اللي غدرها اطباع ..
تردد حكيهم عني.. يصدقون وتصدقينه..
ترا ماهمني من هو يثرثر بالحكي تبّاع..
ترا ماهو صحيح اللي يقولون وتعرفينه..
من اول والبشر دايم على لحوم البشر جياع..
مثاره اسئله حولي وغموض اللي تشوفينه..
وبعض اعجابهم واضح وربي ساطع ولمّاع..
على كثر السماح اللي طبع قلبي تخبرينه..
غضب شيطان لو ثرته يرد الصاع دبل الصاع..
وسريّ ب الشعر يبقى بيقرون و بتقرينه ..
ودايع ربي يحفظها / رغم هذا القدر ماضاع...

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين