شيهانة"ن"حرَه ..

شيهانة"ن"حره بلا قيد صقار ..
محد"ن" قوى صيدي بفن الصقاره ..

شيهانة"ن" حره مداها بالاقطار ..
منها شموخ الحر ياخذ مساره ..

شيهانة"ن" حره تعلت بالاحرار ..
واعلى من الأحرار واعلى شطاره ..

لا لا تحاول بي ولا اليوم تختار ..
ماني من اللي جات باحلى عباره ..

ماني مثل غيري مع الوقت بانهار ..
فيني شموخ النفس ثابت قراره ..

لو صاح لي مخلوق في سر واجهار ..
مايلتفت قلبي ولو بالإشاره ..

ماهو غرور النفس أو قول ثرثار ..
البنت سمعت روح داخل إماره ..

يعني بقول ايام لو صار ماصار ..
ماهزني رجال قلبي شعاره ..

حيرتهم ياقلب صقار صقار ..
عجزتهم صيدك بفن الصقاره ..