يقولون العواذل لي

لـ كبرياء العتيبي، ، في غير مصنف، آخر تحديث

يقولون العواذل لي - كبرياء العتيبي

السلام عليكم
 
يقولون العواذل لي:
عليك اصفاد
حتى لو وراك امجاد
حتى لو سناك ابعاد
ولو جمر الغلا وقاد
 
ومن سماك/ ومن علاّك
ومن حلاّك /ومن خلاّك
كحيلة طرف ...
عليك اصفاد
عليك اصفاد
 
يقولون العواذل لي:
صغيرة ماوعيتي دورة الأيام
تسيّرك الظنون ولعبة الأحلام
نسجتي لك ثياب بمغزل الأوهام
ومادفّا الوهم بردك
مادفّا الوهم بردك ..!
 
 
حتى لو وراك امجاد
حتى لو سناك ابعاد
ولو كان الغلا وقاد
عليك اصفاد
عليك اصفاد
 
يقولون العواذل لي:
يابنت الناس
ولو ناموا هل الأقواس
ولو مارنّت الأجراس
تراهم علّقوا لك فاس
يجبّ الروح في صدرك
يحصد العمر من عمرك
وتصير ابك الغصون يباس
 
يابنت الناس ... مالك بالغريب اوطان
مالك بالغريب اوطان
مالك بالغريب اوطان
 
يابنت الناس
لو لك في سنام المجد ركن وشان
ولو باسمك تعزوو صفوة الفرسان
ولو مرّت عليك ازمان
 
عليك أصفاد
عليك اصفاد
علييييييك اصفاد
 
 
* * *
 
تقديري واحترامي
 
كبرياء
© 2024 - موقع الشعر