الوطن يستاهل - مضواح بن شتوي

الوطن يستاهل نقول عذب الشعر فيه
والقصيد ان زان في موطني ولا بلاش

التغزل والتمجد بشعرٍ يحتويه
يعطي الشعر الحماسي تفوق وانتعاش

وحن وطنا كل ابونا لزوم نفتديه
من تعذر واعتذز ساعة الماجوب ماش

الوطن مهما عطيناه مما نقتنيه
مابعد حبه تعجب ولا فيه اندهاش

لو تروح ارواحنا في سبيله ماعليه
نعتبر هذا طبيعي ولا فيها نقاش

حبنا لولاتنا والوطن حب نزيه
علموا للي نوايا ضمايرهم غشاش

والعدوا اللي يسوى حركات السفيه
علموا له ماحسبنا نباحه والهواش

وعلموا لاهل الدعايات خلان الفقيه
في المحاني والزوايا على وصف الخشاش

والله انا ماحسبنا الردي واللي يليه
عندنا له حد الاجراب يمشي له معاش

دام راع الحزم والعزم سيفه ممتطيه
ما حسبنا زمرة الغدر واسراب الفراش

خاين العهد والدين سودان الوجيه
بايعين ارواحهم في طويق ما تناش

الوطن عند الولد مثل ثالث والدية
الولاء بين المحاني وقلبه كنه شاش

يشهد لنا الجار والحد وانشد من يحيه
من حدود البحر الا حمر الى شرقي خباش

كلنا . حب الوطن في دمانا نحتميه
ندفع الارواح دون الوطن والدم كاش

مانخون اغلى وطن لاجل دينار وجنيه
لو سكنا في بيوت الصنادق ولعشاش

عزنا الله في ذرا حاكم فكره. بديه
قايدٍ من شاف حزمه رفع راسه وشاش

حاكم مافيه مثله على حكمه شبيه
في زمان فيه الاصحاب بُنيتها هشٓاش

ايه هذا صانع المجد والراي الوجيييه
عاش سلمان العروبه وابو سلمان عاش

مضواح بن شتوي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر