تعال - مضواح بن شتوي

تعال عطني وقت واسمعني يابو قلب لبيب
من فضلك اقرب وافتح اذانيك واسمعني تعال

ابنصحك وأعلمك. من قبل رأسك مايشيب
ولا ني بكامل يوم انا اعلمك لله الكمال

حسب التجارب والزمان اللي مع العالم عجيب
وأخذ النصيحة واعتبرها من سواليف الخيال

مايدعي بالمعرفة. ف والعرف والراي المصيب
الا غشيم ماعرف ويش القصار من الطوال

نصيحة فيها لراعي الطيب رأي فيه طيب
واهم مافيها التلاحم بين وأفين الخصال

اصبر وخلك من بني عمك ومن ربعك قريب
لا تأخذك كبره ولا زودة تجي من زود مال

الزود نقص في الفتى والكبر مقطوع النصيب
اركد وصحصح وانتبه إلكل شيٍ احتمال

‏ربعك بني عمك تراهم لك عما عين الحريب
هم محزمك لاصارت حمولك على ظهرك ثقال

هم عزوتك هم تاج راسك لاقنب ذيبٍ لذيب
لا مالت ‏الدنيا ووقتك تالي الأيام مال

هم ساعدك الايمن وعضدك دون شك ودون ريب
احذر تحيقرهم على شان المناصب والريال

رفيقك اللي تسفهه كنه على شخصك غريب
هذا هو المنقود والشرهه وهرجٍ مايقال

وأزيدك من العرف مايعجز عن. إدواه الطبيب
ثنتين مالك صدتةٍ عنها ولا عنها مجال

رفيقك ابن العم غرامك وثانيها النسيب
مالك عن الاثنين صده لو يصير المستحال

ولاتحسب ان العافية والمال دايم ما تغيب
والمنصب اللي تفتخر به لاتحطه راس مال

وان كان عندك مال زايد فا احمد الرب المجيب
اهم شي انك جمعت الربح والمكسب حلال

المال فعلاً يعتبر راعيه للعالم حبيب
لكّن لا يمكن ينقّص قيمة فحول الرجال

ياللي تحسب ان الفقر والقل في الرجال عيب
الفقر ماعذرب هل الناموس ذربين الفعّال

ولاتقول فلان ماعنده جنيه ولا صحيب
خل التفاخر بالمناصب والدراهم والعيال

والله ما فادة جبابرة لهم صيت رهيب
الجهل من باب الغباء والعلم من باب الجمال

هوّن عل نفسك ترا العالم على الدنيا عزيب
حتى البطل صدام زال وكل ما يملكه زال

مضواح بن شتوي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر