من يستاهل لبسة البشت

لـ منصور الوذين المري، ، في غير مصنف، آخر تحديث

من يستاهل لبسة البشت - منصور الوذين المري

الا فاستمع لي وخذ قافٍ على ادّه
بتواصيف لباسة بشوتٍ على الكيف

وفرزت الكفو اللي تفوًق على ندٍه
اللي يستاهل لبسته والغطاريف

اقوله وانا واثق واوقع ثم اعده
صميدع معرًب جد مايبي تعريف

يحوش المراجل ويتنومس على بِدْه
وذي عادة الشغموم يبعد عن الحيف

وياخذ الامور بوسع بالٍ ولا تحِدًه
ظروف الزمن ، عن الردى دايمً معيف

ولا هيبة الحكًام من طيبه ترده
عزومٍ جزومٍ هرجته مابها تزيٍيف

ولا هو من اللي بلازمه يكثر الصده
بذكره تخلًص حاجتك دون تكليف

ولا شور جلاسه من المرجله تردٍه
معرًب جدودٍ يعرف الواجبه للضيف

يفداه الردي اللي حياته على قده
كبير العمامه وكل فعوله تخاريف

ياكم واحدٍ رجال بإسمه ولا تعده
وياكم من سنافيٍ بعيد المحاريف

يروم المراجل والزمن واقف ضده
بيعبر البحر وتبور فيه المجاديف

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر