طعنت السكين

هيييه لو كاسك ذهب والسم فيه !
مايصفّي طيب كاسك محتواه
الحقيقه ماتزينها الوجيه
والتصبر جاوز بقلبي مداه
اقلبي التاريخ ولّا عدّليه
ماتغيّر شيّ في مجرى الحياه
انكري المجهول ولّا ثبّتيه
ما يسرّ القلب منطوق الشفاه
كلّ منّا يدّعي باللي يبيه
والقضايا مالها غير القضاه
اجمعي ما تملكينه واعرضيه
اثبتي ما تشتهينه في هواه
كل واحد له نصيبٍ يحتريه
ما يفيدك وقتها طوق النجاه
اكذبي ولّا اصدقي ولّا اكتميه
كلّ مخطي يحتمل ناتج خطاه
كبّري الموضوع ولّا صغّريه
طعنت السكين في قلبي وفاه?