تباً لما قد كان - عبدالمحسن وصل السلمي

ياقلبي اللي جاير الوقت كاويه
يمسي على كيّه ويصبح بكيّه
نبضك تنازع من زعازع بلاويه
والدمع سيله فايضٍ في يديّه
والصاحب اللي ياخفوقي تراعيه
مالك معه كود الليال الشقيّه
عينه نظرها سامره في لياليه
وانا عيوني ساهره في رجيّه
لين اصبح المحبوب من غير تنبيه
سارح معا ذيبٍ يحوش الرعيّه
تباً لما قد كان من حب مخفيه
لاعاد وقتٍ ساق حبه هنيّه
اقفا زماني بالعمر في خطاويه
لين استفاق بحرق نار الخطيّه
يارب يامن يستجيب لمناديه
نرجي لعفوك كل صبح وعشيّه
© 2024 - موقع الشعر