حبٍ تلوى..

ألا يالله من حبٍ تلوّى
على قلبٍ بوسط الجوف ذاوي
من همومه شرايينه تروّى
تخاثرها على النبضات ضاوي
يحاول يرجع أفراحٍ تطوّى
مع أيامٍ تقفّت بالهقاوي
خفوقٍ ماقوى لو هو تقوّى
ولا له حيلةٍ غير المناوي
تمنّى والزمن ياكيف سوّى!
حواه الياس من قلّ العزاوي
بيأسه طاردٍ بالغيم نوّى
عسى همّالها للجوف راوي
وفيّ الحب بإحساسه تكوّى
جروحه ما يداويها مداوي
ألا يامن بنور الشمس ضوّى
رجيتك نور للخفاق ضاوي