طعنت السكين - سعيد الرمضاني

كلينا من النكبات مايشبع الايام
وسقانا الزمن من جوره المر والصبره

ومشينا وراء الاحلام في سكة الاوهام
وشفنا ماعفنا واعتبرنا من العبره

ورسمنا على كف الزمن قصة الاحلام
الين القلم خان الورق وانتهى حبره

وعرفنا الزمان يدور واليوم غير العام
مثل طعنت السكين ماتشبه الابره

ورغم كل هذا ثابته خطوة الاقدام
ماقلنا وش الي صار والاوش الدبره

لاكن انت يالي بان خافيك ماتنلام
يموت الردي مازاد للطايله شبره

لعلك فدا من سيرة تتعب الاقلام
ماحده عن الطلات والمرجله كبره

صحيح المواقف تكشف السر للاعلام
وصحيح التجارب تعطي العاقل الخبره

تسمع كلام الي تعلم من الايام
وفرق طعنت السكين عن طعنت الابره

© 2024 - موقع الشعر