ليل المحبه - سعيد الرمضاني

ياراع السوالف كفها لاتروح اخناق
انا من هموم الوقت شابع ومتروي

ترا اليوم جوي زفت واخلاق ماش اخلاق
ولو طول الموضوع مدري وش اسوي

تقولون فيه اعراق ماعاد فيه اعراق
مغير الاسم والحظ طايح ومتثوي

لاكن اتركوني لاحدن يفتح الاوراق
الين استريح البال ويروقبي جوي

عليك العتب والوم ياسكت العشان
اولعبها ضوي وتطفيبها ضوي

لاقلت ابتدا ليل المحبه وجوه راق
تقول الظروف الطاريه يالهوا توي

يقولون درب الحب مايرحم العشاق
وانا اقول درب الحب تايه ومتلوي

اجيله يسابق خطوتي صادق الاشواق
واعود وانا من جمرة الهم متكوي

لاكن لايطول الوم ياسكت العشاق
ترا ان طول الموضوع مدري وش اسوي

© 2024 - موقع الشعر