محجر عيونك

لـ احمد الخالدي، ، في الغزل والوصف، 194، آخر تحديث

محجر عيونك - احمد الخالدي

أنا من ألمح آ عيونك أعرف انّ الصّباح ابخير
لأن الشمس ما تشرق سوى من محجر عيونك

تعالي يا هنى عمري وغنيلي بعد بكير
واغنيلك بعد عمري أنا بالحيل مجنونك

تعبت آ من الهموم اللي على غفله تجي و تثير
جروح (ن) غايره فيني و انا مالي سوى كونك

أحبك لو يشح الحب نبضي بالمحبه غير
أصير آ لك الرهام اللي يبلل يالغلا آ ردونك

وآكوّنلك من احساسي حروف وعشقها تبذير
تكوّنلك قصيده غير و المضمون ماخونك

أنآ دونك مثل منهو قضى عمره على التّشفير
وانا ظاري على التّشفير لا من صرت من دونك

واذا في يوم حسّيتي بوصلي يالغلا تقصير
أنا اسف على التقصير رغم الحب مديونك

ومن ألمح أنا عينك عرفت انه صباحي خير
لأن الشمس ما تشرق سوى من محجر آ عيونك

© 2024 - موقع الشعر