قمة الطهر

اليوم مدري خاطري من النكد شين
والحزن له في الصدر مرسى ومواني

جاني الخبر متصدر(ن) في العناوين
علم(ن) تكدر خاطري من لفاني

ينعى الاميرة (نورة) ام المساكين
ركن الضعيف ومأمنه والأماني

"رمز العفاف وقمة الطهر والدين"
نبع الكرم والطيب اول وثاني

من حبها العبره تخنق الشرايين
ومن فقدها تبكي ضلوع المحاني

يا الله يا اللي له عباده مصلين
يا منزل(ن) طه و سبع المثاني

تغفر لها ذنب(ن) رجح بالموازين
وما صابها تكفير وحصن الثماني

يا الله تجعل قبرها كالبساتين
وترسل عليه المزن في كل اذاني

وتغفر لها الزله بدعوا المحبين
يا الله عساها تهتني في الجناني

وتجعل مكانتها تعلى فعلين
في جنة الفردوس اعلى المباني

وصلوا على محمد امام السلاطين
عد الشجر ويا الحجر والجماني

25/6/1439ه