النصائح بالجمال :

لـ شائم الهمزاني، ، في الحكمه والنصح، آخر تحديث

النصائح بالجمال : - شائم الهمزاني

الكبير : يبقى كبير.. والصغير: يبقى صغير
لكن أهديكم نصايح .. والعواقل تستشير
طيع ربك يالبنآدم .. ما لنا غيره أحد
واتخذ أمره ونهيه كنها السيف الشطير
واحمد الله واشكره واستغفره صبح وأصيل
وسبح بحمده وكبر.. واجتنب شر وشرير
واذكر محمد نبيك .. بالصلاة وبالسلام
واعتصم بالصبر تفلح ..ولا تعجل واستخير
والكبر : أول جريمة.. ضمها اللوح الحفيظ
والتكبر: والغرور.. غالبا طبع الحقير
والصدق: منجاة ؛ قالوا: والكذب ؛ حبله قصير
والصلاة : ماءٍ قراح.. حين يجري سلسبيل
لارتوت به؛ قاع صفصف ؛ أنبتت خير كثير
وجنة الرحمن : بالتوفيق لبر الوالدين
وصلة الأرحام : فيها بركة ؛ ورزق الفقير
والنوايا الطيبة: تيسير للأمر العسير
فيها إخلاص العمل.. عن التزلف والنفاق
وفيها تقوى الله تجعل.. كل صعب أمر يسير
يا أهل النيات سيروا ..لا تخافون الضياع
فالكم برعاية الله .. بالسعد طيره يطير
واجتناب أكل الحرام.. والربا أم الكبائر
والفواحش بالمعاصي.. تجلب الإثم الكبير
وقبلها حقوق الأوادم,, هضمها جور وفسوق
احترمها واجتنبها .. لونها حبة شعير
ورأسها الظلم الظليم.. يهدم أبراج القصور
منه تموت ؛ الديار العامرة ؛ بأمر القدير
ودعوة المظلوم سهم عند ربه ما يخيب
لابتهل ؛ لله يدعو ..بأول الثلث الأخير
والنميمة ؛ واغتياب الناس ؛ وافساد العباد
والضغينة والحقد والحسد مع خبث الضمير
كلها عنها تباعد.. واحترز عرض وطول
سابقا فيها الوعيد.. وسابقا فيها النذير
وعزة النفس الكريمة .. بعزة الله العزيز
لو على قطعة رغيف ..من على فرشة حصير
وقدم الإحسان لله.. والرجاء فيه الخيار
صدقة : فيها تطهَّر.. حتى لو نزر يسير
والسخاء: ستر العيوب.. فينا عن قول وقيل
والمعونة: بالمواقف.. كلها خير بخير
واطلب العلم وتعلم ..دام لك سمع وعيون
فالجهل : مثل الظلام.. يجعل المبصر ضرير
والأمانة والوفاء ..من انبل خصال الرجال
والخيانة والجحود ..والغدر مُر المرير
والمعاني : بالرجال ..مثل أوصاف الحرار
والرجال بلا معاني مثلهم مثل الحمير
والنصائح : تشترى ..بجمال عند الفالحين
هذا يعطيه النصيحة.. وهذا يعطيه البعير
© 2024 - موقع الشعر