انتهى المشوار - سحايب العازمي

انتهى المشوار وشمسك استعدت للرحيل
ماتت طيور المحبه واختفى نور النهار

مابقى ضي بحياتي مابقى بدربي دليل
غير شمعة تحترق وتذوب في حسره ونار

مابقى فيني عزيمه تقطع الدرب الطويل
ولا بقى بالليل نجمه تستلذ الانتظار

من عذابك .. من فراقك مابقى بالحيل حيل
ولا بقى فيني عواطف تاخذ بحبك قرار

من زمان امشي واساير حظ ٍ بطبعه قليل
ماقدرت انسى الجروح ولا قويت الاختيار

مات في قلبي غرامك .. مات ماضينا الجميل
خانت جروحي دموعي وارتضت غيرك مسار

صارت اطعون الخيانه عن غلا ودك بديل
واصبحت كل المشاعر من جروحك في انكسار

انتهى المشوار واقفى ماضي الحب الجميل
واصبح أفراقك نهاية .. مالنا عنها خيار

أرحل بماضي جروحك واحتمل هم الرحيل
مابقى لجرحي عباره ولا بقى لحزني اعتبار

© 2024 - موقع الشعر