اليوم صار العقوق امرٍ طبيعي يشاف - ريم المزحمي

تطاول الضيق من بين الضلوع النحاف
تطاول اهل القرى ب قصورٍ مشيّده

و انا عزيزه و لا يصلح لي الاعتراف
انّي اعاني من الواقع و من مشهده

و انا اكتشفت الحقايق بالعيون اكتشاف
لو راعي الهم ما فضفض ما احد ينشده

الناس عاملتها باللطف قالوا تخاف
و عاملتها بشكل رسمي قالوا معقّده

ما هي نهاية مطاف و لا بداية مطاف
الكلمه اللّي تمر السمع ما تجهده

و لا ادري وش الحل للموضوع و الاختلاف
اليوم ما هو غريب من الابو و وولده

و اليوم صار العقوق امرٍ طبيعي يشاف
الله يستر ووش اللّي ينتظرنا بعده

يا ابوي انا لو ما اطرّي ذكرك بكل قاف
احس بالنقص في قافي و في مقصده

© 2024 - موقع الشعر