دروب ''' - ريم المزحمي

انا لذا الحين اكافح في دروب الحياه
واضحك واجامل لامن الناس فيني نخو

ابذل و اساعد عباد الله بكل اتجاه
و ابوي و جدوده اللّي من منول سخو

هم السبايب بعاداتي و طبعي هذاه
بالمال و الحال من دون النشاما صخو

اموالهم في عطا معدم و في ذبح شاه
و بالرغم من كل ما عانوا ما يوم ارتخو

حتى اصبحت مدة ايديهم سوالف رواه
و لافعالهم بعدهم كل الدهاه نسخو

و ما بين سود القلوب و بين ضحك الشفاه
لقيت الاسرار و اللي فالجحيم انفخو

يا اللي هوايتكم هروج القفا الانتباه
حطتكم الناس سلّم للعلا و شمخو

دوّرهم اليا تولّوا مسلمٍ في قفاه
و ان ما لقوا سالفة بين العباد طبخو

و اللّي يعانون و يقولون مرّات ال اااه
لو يستطيعون في وجه الزمان اصرخو

و انا بظل الحنون اللّي بعيدٍ مداه
ابوي يا كثر منهم من وفاه اطنخو

و اذا نقصني بعمري شي و الله قضاه
انا تمنيّت لو الله رزقني ب اخووو

© 2024 - موقع الشعر