شاعر بفضل الحنين - أحمد المغربي

" شاعر بفضل الحنين "
 
إنتظرتك ..
طآآحت أحلامي من يدين السنين
ومآ رجعتي
وصرت اسأل إنتي وين ؟
ما تبين إنّآ نكمّل درب عشناه إل سنين ؟
صعبه يعني ترجعين ؟
ليه خليتي العواذل يشمتوا فينا ؟
في حكايا عشق يمليه الحنين
في فراق ف كلمتين
" نفترق أو نفترق "
في شتات قلوبنا
في أمآنينا اللي مرتهآ الرياح
في ضياع دروب نمشيهآ سوى
تذكرين ؟
لمآ جيتك في يديني قلب ، وأحلام ، وأمآني
قلت لك :
أحفظيها بين صدرك
لا تخلين السنين العابره تقسى علينا
لا تبيعي من شرى قلبك ، وبآع أغلا البشر
وهآآآك شوفي :
وش بقى من بيننا .. غير الفراق
جيتي ف يدينك سواد سنين تملي كل سمانا
وجيتي ف يدينك فراق قلوب .. يعميها السكوت
وجيتي في كفك بقايا دربنآ المشبع جرآآآح
وقلتي :
هذا حبنآ اللي مآ قدرت أحفظ غلاه
وقلتي :
هذا صمتك وحآفظ عليه !!!
..
زين وسنيني اللي راحت ؟!!
وأمنياتي !!
وصوتي اللي كلّ ليله تسمعيه ؟!!
وحبي اللي مآ عطيته حد غيرك
والليالي اللي قضيناها سوى
الدروب ، أحلامنآ ، ضحكة شفاتي ، والطموح
طآري اسمك من لساني
لمآ انطقْه بْفرح
كلها راحت من إيدك .. وإنتهينآ ؟
أو بدينا الليله أشواق ووجع ؟
أو بعيش البعد وحدي ؟
وتتركي كل البكى يحمْله خدي ؟
أو تمريني حنين ؟
بسألك مآ دآم ف لساني سؤال !!
وش بقي ؟
بآقي الحنين ؟
أو بقايا ذكريات تْعذب القلب الحزين
أو شتات سنين من آخر عمر ؟
وإلا طيفك ؟
ايوا طيفك !!!
راح يقبل كلّ ليله
يكسر النسيان ، ويزيد الجراح
ب الحنين !!
هيييييه يا قصه غريبه
صاروا يحكوها العواذل
وصرنآ نحكيهآ سوى
من شتات .. ب كلمتين
" نفترق أو نفترق "
مآ تركتي من رحيلك .. إلا شاعر
مات في كل الزوايا
إلا في آخر مكآن ف غرفته
منزوي
جآلس وحيد
يكتبك كل يوم من دمه قصيده
ويعصر النسيان ويطيح الكلام
ويكتبك قصه جديده
في قصيده
وصار يهذي الانتظار !!
ومآ رجعتي
لين عاش الاحتضار !!
وما رجعتي
وصار يلقيك ف أماسي
ويشكره جمهور ويصفق ويهتف
مآ دروا انك قتلتي عاشق بطعنة فرااااق
لين ضاق الدرب في وجهه
واصبح شاعر بفضل الحنين !
وإنتي وين ؟
مآ رجعتي
مآ رجعتي
مآ رجعتي
وإنتهينا
 
أحمد المغربي
© 2024 - موقع الشعر