يامـل قلـبٍ فيـه دقـة وحسـات - زيد بن فيحان الكريزي

يامل قلبٍ فيه دقة وحسات
وليا انتخى عاصوف قلبي عصيته

في خاطري ضيقه وفالصدر كتمات
وزود الكلام وناقصه مارضيته

ولاني براع الغمز ولا التلفات
ولأضحك لرجل ٍ لا أفترقنا قفيته

ولا أفرح على اللي يشمته كل شمات
وعيب الرفيق ليا لقيته رفيته

ورفيقي أدمح له خطايا وزلات
ألا ليامني حديت ونخيته

من لا وقفلي في مواقف وضدات
لو كان أخويه مسندي مارجيته

مانيب مجبور ٍ بأزاويل وأصوات
علم ٍ ليا قلته على الله حميته

رفيقي اللي فالأمور المهمات
لا شلهبت سود الليالي لقيته

وإن شانت الخطر وردوا الزلات
فعله ينومسني وأفاخر بصيته

هذا الرفيق اللي خطاياه زانات
خطاه لاميزت فعله نسيته

أما الهبود اللي علومه بروفات
اللي ليا شان الدهر مالقيته

نقص ٍ على الحيين من ضمن الأموات
بعده لو إنه بالفلوس إشتريته

هذا لو إنه من أدنى القرابات
كملت عدد من غترته لا جكيته

تنبت مشاكل والليالي مقيمات
لابد ماتاقف على باب بيته

تقطع به الأيام نص المسافات
تظهر حقائق قيمته لاغويته

© 2024 - موقع الشعر