ابيات من الشاعر/ عواد بن عليان الوابصي وردي. - محمد البياضي

ابيات الشاعر: عواد الوابصي .
يطرون البياضي بالفرح ومقفل الجوال
وانا مدري عنه بالفرح والا عنه براني
واظن الذيب له عدوات يوم يلاحظ الاهمال
حلال مسيبه راعيه حظ الذيب سرحاني
انا قولي مثل ما هو على الصاحب ردات اعمال
يطرونه عميل الخير لا جيته ولا جاني
ردي :
انا وصلت الفرح والقصر يا عواد فيه رجال
وجوالي معلق واحسبه طافي وخرباني
وفي لازم حضرت وجيتي في لازم ابن الخال
وعديت اللزوم وعدت مع درب البحر ثاني
حداني ظرف رجعني تبوك وردني فالحال
وحتى معزبي من رجعتي بالحيل زعلاني
وهذي خلاصة الرحله وخل الظن والامثال
مدام الظن بعضه اثم واثمه يلحق الجاني
صحيح الذيب له عدوات قتاله ويا ما شال
على قول العرب ماله شريده موت من داني
وكم نوّب وكم هوّب وكم سبب لهن جفال
زمان الربق والسرحه قبل يرعاه سوداني
وفي هذا الزمن كلا ٍ يشوفه كنه التمثال
معلق بالشجر ما هابته معزا ولا ضاني

مناسبة القصيدة

حضر على حفل وعلم اني موجود في الحفل ولم يشاهدني حيث كان لدي ظرف حضرت واستأذنت من المعزب ورجعت تبوك .
© 2024 - موقع الشعر