دافع اعجاب

يا هيه ياللي جيت من دافع اعجاب
لك غايةٍ تشّر عليها الوسيله

ترى الهوى مقفول من دونه الباب
ما لك ورى زيف المشاعر حصيله

القلب خارج تغطية جو الاحباب
والنفس من صدمات وقتي عليله

واللي مهو معطيك يا جيته حساب
ابحث بقوقل شرط تلقى بديله

ماني بعلاقاتي مع الناس لعاب
ولاني مثل ما قلت صاحب فضيله

عندي مبادي واحترم كل الاصحاب
طبعي كذا ما ارضى على الناس ميله

واسف ترى اللي قلت له عدّة أسباب
ماهي على حد اعتبارك قليله