قصيدة عتاب من الشاعر/ عبدالعزيز بن جميل وردي. - محمد البياضي

لو غاب غيرك ما نحس بغيابه
نقول بعد غياب نسمع بطاريه
والا انت ياابوبجاد يشغل غيابه
تلعب بنا الافكار وانقول وش فيه
انت الصديق اللي عزبز ٍ جنابه
وانت القريب اللي نعزه ونغليه
من ساس طيب وجودكم يقتدى به
وانت الذي ما خاب رجال ناصيه
لك شيمه وتقديرعز ومهابه
ومن يزرع المعروف يجني حسانيه
ولك قدرعندي فوق فوق السحابه
وفالقلب لك منزل معلي مبانيه
بالمختصر جاتك بليا سهابه
والا انت مهما قلت ماني موفيه
الله يديم الود مفتوح بابه
وشرواك مهما غاب ماني بناسيه
ردي /
ترحيبة الخيّر بشوفت اصحابه
يا مرحبا ومعزب البيت بانيه
من قلب اخوك اللي شكى من صوابه
صابته صابه قصرت من هقاويه
احزان وهموم الآوادم تشابه
وانا همومي حمل اشيله وواطيه
من كم سنه ما بين ضلع ٍ وغابه
الوادي مفيضه والضلع راقيه
مضمار في صدري تسابق ركابه
حنينها هاجس تصافق ذواريه
ويحوفني ماهو بحوف الذيابه
لن الخلاء ليله مع الذيب ساريه
هاجوس يزعج قوم ماهي عصابه
ان حل بي ضيّعت درب ٍ ملقيه
تضيق بي دنيا السعه والرحابه
تصبح طريق اوله يرجع لتاليه
يضيق منه الجسم داخل ثيابه
ضيقت الم ضيقت عنا ضيق اعانيه
اغيب حتى عن لزوم القرابه
وان جيت اقدم عذر وامشي واخليه
البعض يتقبل بليا صلابه
والبعض يرفض يحسب اني مسويه
يلومني ويبدي زعله وعتابه
ويمون من حقه يبيني اهنيه
زعلت غلا زعلته ماهي حرابه
شرهت ولد عم ٍ وخال وبناخيه
شرّهه ودام البيت عزه اطنابه
واجب عليّ والظرف ماني مخفيه
وشِرهت عليّ اصحاب من كل لابه
منهم قتع ومنهم ازريت لرضيه
يبيني اشارك لشدة اعجابه
بي وايّتشرف في حضوري ولاقيه
وانته بعد ماهو مجرد كتابه
صورتها بطاروق زانت قوافيه
وصلت لخوك وحركت كل مابه
ياابوشهيرالطيب يُوسم لراعيه
لا هنت في طرق ٍ وفكرك سرابه
وبطيب في شخصك مع الناس تطريه
مبداك مبدأ رجل كلٍ درابه
مبدا رجل سلمه موافق مباديه
وان عودت للشعر يحسب حسابه
شاعر قوي شعرك وجزله معانيه
وضحت لك مابي وجتك الاجابه
من صاحب ٍ ظرفه مقيد خطاويه

مناسبة القصيدة

قصيدة عتاب من الشاعر/ عبدالعزيز بن جميل لغيابي عن بعض المناسبات (الامسيات الشعريه والحفلات ) وذلك لظروف خاصه بي وردي عليه .
© 2024 - موقع الشعر