مجاراة لقصايد الشاعرين عبدالمجيد الدهيسي وحسن عامر الشهري - جندب المالكي

المجلس
المجلس اللي في عيون اهله تشوف انك ثقيل

سلّم عليهم واشرب الفنجال الاول وانسحب
من دون لا تترك لهم تحليل لاسباب الرحيل

غلطه ولا تنعاد واللي صار مكتوب انكتب
حتى ولو فنجالهم يحرقك مثل الزنجبيل

اشربه دفعة واحدة لا ابوك ياشر انشرب
انه يحبونك جميع الناس هذا مستحيل

يوم الرضا غاية ولا ادركها مطانيخ العرب
هذا الكلام اللي هبوه اهل الحكم باول رعيل

قالوا بعد لا تقرب الجربا وتبليك الجرب
على الاصل دور واذا جار الزمن تلقى الاصيل

يعني على سقف الطموح اللي تهب حظك يهب
ترى البلا لا من وثقت بمن تصنّع للجميل

مثّل عليك المسرحية وانت تصرف له ذهب
هذا اللي اخفى الاستقالة لين قرّر يستقيل

من طاردين المصلحة ماجا على شانك طرب
ولا ابتليت بمن فتح سمعه على قالاً وقيل

وجهه غدى شكلين من كثر المحبة والعتب
ولا راحو اصحابك شلل كلن مع الاخر يميل

اختاروا الميثاق الاسهل بعد ميثاقاً صعب
لا ياوجودي عالرجال اللي مشابههم قليل

اللى يعزون الخوي لا ثار دخان الكرب
يوم الحمول الجايرة ماينتقلها الا شعيل

ماضر سمحان المسمى قولهم يابو حدب
هذا الزمن لا فزت بالصادق لا تبحث عن بديل

والكامل الله لا تسلط لك على الغالي رقب
لا زل زلة عدها وارشيفه العامر يشيل

اكبر خطية حطها الشيطان من باب النشب
استثمر المعروف وبتجني من ارباحه حصيل

هذا تحدي .. هات مستثمر بهذا ماكسب
حاولت افنّد تجربة مرت على جيلاً وجيل

اما الثقيل اللي في اول بيت حلقه ملتهب
عبدالمجيد الدهيسي

:::::::::
مجاراة

صحت لسانك يالدهيسي جبت لك علمٍ جزيل
والمجلس اللى يفقد التقدير جعله ينقلب

حيالله الشاعر وقوله حق ما يبغا دليل
أيوالله أن بعض المجالس خير ما فيها الخشب

فيها النمايم والغثاواللى بجواله هبيل
الجسم بالمجلس وفكره راح من فوق السحب

ماعاد لاهل العرف غير الصمت والصبر الجميل
بعض المجالس تفتقر حتى القليل من الأدب

أنشهد أن قولك يلامس واقعٍ ماله مثيل
لكن دامك حيّ جاهد والحياة لمن غلب

خاوا الرجال اللى سوالفهم مثل تمر النخيل
والرجل منهم لاتكلّم لا يغثّ ولا كذب

مجالس اهل العلم واهل الذكروالقول الفضيل
هذي مجالس خير في ميدانها تثنى الركب

خابت مجاليس النفاق وخذ وهات وحط شيل
ما ينتحيها الا الرخوم أهل النذاله والزلب

ابعد عن اللى بالسوالف عادته حطاّب ليل
مامن ورى الثرثار والهلاّس فود الا التعب

كم واحدٍ وسط المجالس تسمع لصوته صهيل
واذا اضرمت نيرانها قام يتذرى واحتجب

ومجالس النمّات والغيبات والقول الهزيل
ماتنوجد فيها النشامااللى تبشر بالشبب

هدي النبي المصطفى أن الدين من دين الخليل
والشوك يثمر شوك مايثمر بتين ولاعنب

الرجل يعرف بالجليس وبالمصاحب والزميل
الراس جنب الروس والاذناب بجوار الذنب

اهل التقى ابوبكر وابوعبيده والطفيل
واهل الظلال ابو جهل وابن خلف وابو لهب

راع الكرم والجود لا يمكن يصاحب له بخيل
الله اذا قسم صفات الخلق وعروق النسب

والوحده أفضل من مجالس تنثر القول الرذيل
واذا عدمت مصاحب الاخيار دوّر للكتب

حسن عامر
::::::::

مجاراة
سمعت لي شعراً مسوينه على بحر الخليل

حالي سواة الشهد والسكر ومنقي الرطب
واصفى من الماي الفرات ومن نميرالسلسبيل

وازكى من الريحان ومن الشيح وزهور السكب
غنوا به اثنيناً من الشعار موقفهم نبيل

اللي معانيهم كما ضوء النيازك والشهب
المبتدي به شاعراً في قمة العليا نزيل

سيف القبيلة والمطاليق اطلقوا هذا اللقب
عبدالمجيد اللي وصّف وضع العفون الهنذويل

الخمة اللي تختفي وتغيب في وقت الطلب
والشاعر الثاني وله في عالي القمة مقيل

اللي عليه اثنوا واشادوا به مشاهير النخب
ربعه بني شهر المطاليق الذي تحمي الدخيل

اهل المقام المعتبر واهل المناصب والرتب
قاموا بمايشفي وما يكفي وما يروي الغليل

وش ينبغي ينقال في المجلس وش اللي ما يجب
وتكلموا وتحدثوا عن شي من هذا القبيل

وتناولوا بعض بالمسايل بالحديث المقتضب
ماشاء الله ماشاء الله عليهم ولن نبارك بتهليل

عيني عليكم باردة يهل النتاج المرتقب
لكن ابا اجاري فرايدهم وانا عابر سبيل

الا هم اهل الذوق ذوليك المطانيخ النجب
والمجلس اللي مايقدّم للمسيّر بن وهيل

لو يفرشونه بجوّد انواع الزوالي والكنب
لا تقربه ما دمت لهل الطيب والقالة سليل

هذاك ما يجلس به الا اهل الصفاقة والصخب
هذاك مجلاس المهبّل والهلايم والهميل

الخمة اللي لا وصول ولا سلوم ولا حسب
ماهو بمجلاس الذي ما قد ربا فيهم ذليل

النخبة اللي تنجدك ماهم بذويلك الدبب
اهل المكارم والملاحم والعطايا والجميل

اللي مواقفهم تزيل الهم وتزيل النصب
ناساً سوالفهم تسر البال والصدر العليل

انظر لهم لا ضجت اصوات المناير والقبب
لا حدثوك ابموعظة دمعك على خدك يسيل

وايات حقاً يقتفيها كل قولاً مستحب
والشخص لو جاهم وهو متحملاً دِيّة قتيل

قالوا تطمن والجميع لفزعته قام و وثب
واليا زبنهم جالياً لوكان من دعوى بكيل

حموه بالبندق من اعتى خصم ومن اطلق شنب
والهرجة اللي مالها منحى ولا تملى الصميل

ينطم راعيها ولا يقعد يقل ويش السبب
لن الحساب الهندسي للدايرة والمستطيل

يرجع لقانون التوازي والتقاطع والنسّب
والشخص لا فكّر وميّز كل وزن وكل كيل

يبان له من ناتج التفكير وش سر العطّب
واللاش لو يملك بنوك المال وحقول الجبيل

ماهو براعي وقفةً تذكر ولا هو ينحسب
والختم صلوا عد ما هلت هماليل المخيل

على النبي اللي نشا في بيت عبد المطلب
جندب المالكي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر