محمد المحبي وحسن عامر

القارعة الأولى
البدع : المحبي
لاوله بسمك الله ياصلاتي على خير البشر
والذي بعدها منى سلام لكل فى مكانه
بشبه النو لا دنت رعوده وجاء للماء دحين
يامحمد تقدم والقوافي لها صوله وجوله
وصلك العلم قوم افتح لنا الباب ولا سكره
الرد: المحبي
الذي يبتدي بالطيب مانلحقه منا بشر
من رفع راية التسليم له عندنا قدر ومكانه
والتمداح ماينفع ولو كثروه المادحين
كل رجال في الميدان يوقف وعزمه في رجوله
وانت تعرف تميز وين صافى العسل من سكره
البدع:محمد المحبي
مرحبا مرحبا والعلم واضح ومعنى منّشهر
ياللذي يبرم القيفان حتى يبيّن بيرمانه
مرحبا مثل ماقلتم كما نو بين الراعدين
يادمي قبلك ابن ادم ولكن صفوف الجن حوله
اقلط اقلط ولا بيني وبينك علوم(ن) منكره
الرد:
أدري إنك تخطط لي وعندي علومك من شهر
لكن اكبح جموح الشر واسلك دروب الخير أمانه
وانت تعرف محمد ماوقف في صفوف الراعدين
والذي يطلبون السلم والا نراهم جنحوله
ناخذ الود من راعيه والمكرهيه لمن كره
البدع :المحبي
البقا يا المرحب يا رفيع المكاسب والقدر
يامحمد تقدم واحفظ العلم خانه وانس خانه
والحذر يكتب اسمك بعدها فى كشوف الراسبين
وانا خابرك لاعب محترف فى كشوفات البطوله
والبحر تو عينك صد موج البحر ولا اعبره
الرد
يامحمد تفكر فى صروف الليالي والقدر
ابن داوود ساد الكون والجن طاعه وانس خانه
والخبر جابه الهدد وبعد الخبر ورى سبا اين
الثمر يامحمد يحذفه كل رجل مايطوله
ومن فقد شي غالي يكثر الصمت ويهل اعبره
البدع :محمد المحبي
ياحسن لاتهور طال عمرك فلي وجهة نظر
الله ياكم وياكم واحد(ن)ذالزمن جاله وادانه
شوف صدام من عقب الزعامة وشعب الرافدين
لاتقول إن ذا رئيس وأنا بختلف ماني مثاله
الدنيا واحده والارض معروفه إنها مدوره
الرد:
يالذي فالسبق تبغى ضررنا ترا نقدر نضر
والجمل فالسبق ماهو بصعب(ن)على مثلي ودانه
وأنا ماجيت أعد اهل السبق كم يجو والرافدين
والذي قد تقدم فالسبق لونشوف الا مثا له
كل مطرود ملحوق(ن) وياطول ساق مدوره
البدع:المحبي
يامحمد الى شفت الخطر فى طريقك لاتمر
افتل الخط يارجال من دون تطلب ترجمانه
واذكر الله ولاتنسى تصلى على جد الحسين
ماخسر من يطيع الله ولا خسر من يتبع رسوله
دونك السوق كيل البر بالبر ولا بع ذره
الرد
ماجني من عذوق التمرروس النخيل الا تمر
يوم شفت الحراميه تحوف النخيل وترجمانه
فعلهم يامحمد ماوصفناه بالفعل الحسين
ليت من يرسل الاخبار قبل النشر يتبع رسوله
وانا لو يعتذر لى بعد نشر الخبر مابعذره
البدع:محمد المحبي
أشتري البر مالبندر وأنقيه من غالي الصبر
عندنا الكاش والتقسيط والبر نشري من ثمانه
لانزلنا في البندر ولا نشري الا مالثمين
كل بندر نزلته واعرفه ياحسن من حجم ماله
حتى سطح القمر لو فيه بندر نزلنا بندره
الرد
الصبر ياحسن طيب ويالله تساعد من صبر
كم صبرنا وغير ي ماكسب مالعجول الا اثمانه
وانا ماودي استعجل واشارك بأثم الأثمين
والجبل كم تمنى من تمنى يميل به مماله
وأنا لو باتمنى إني أندره في ثواني بندره
البدع:المحبي
ما نا ذا يفتح البيبان ذي فتحها ياجي بصر
ولا فان المؤذن صاح والناس صحيوا من وذانه
وانت يالصابر اصبر فان ربك يعين الصابرين
بيع واشتر من الغالي وسطح القمر تقدر وصوله
لالقيت الثمين اعرف لسعره وبيعه واشتره
الرد
سبحان الله خلق عين ابني ادم وفيها اجرى بصر
صوره وانطقه والنور والسمع في عينه واذانه
وانبت الزرع وانواع الثمر ماحصاها الصابرين
خير ربي كثير لو حصوه الحواصي ماحصوله
لكن الطامع الى زاد حبه لدنياه اشتره
البدع: محمد المحبي
الله يمنع عيونك ياحسن م العماية والخطر
أدري أن الحواس أنعم بها ربنا ياعز شانه
وأن لو لا الحواس الخمس فن كل شي منا يشين
أنت ملا أحبك العلم الذي بخاطرك والا تباله
وأن بغيت الميه ميتين والا بميّه وأعشره
الرد:
أخذ علم أهل بيشه ياحسن مالقوافل والخطر
والتمر صعب من في الأرض يقدر بيده نيّشانه
مايجيبه يكون من رقي للنخل ماهم نايشين
أعرف أنك حصد النخل من بيشه كله لاتباله
فالحصاد انتبه ناخوك تنسى زكاته واعشره
البدع: محمد المحبي
بسم الله نبداء ولا فيه غيره بيدوان
وعلى المختار مني سلامي والصلاه
فكري إنك ياحسن مت مني شر ميته
واثرك ملا تقويت تبغي حربنا
الرد:
ياحسن شف للمريض الذي يبي دوان
يشتكي من علته والمرض كنه صلاه
ياطبيب أظنك أنت الذي بالشر رميته
والله يكفينا من الذنب لايبحر بنا
البدع:المحبي
مرحبا ترحيبة بعدها القاسي لوان
وانا ما هدي واحد(ن) لهي ربي ماهداه
يامحمد تقلب الحيد ولا شيقريته
طول عمرك تنقل الحيد وتراجم بنا
الرد
يامحمد فالقصايد تلاقي سيلوان
وانت تدري بالذي منحرج مماهداه
لاتقل مادرى عن السر ولاشي قريته
واضحه في جمبكم ماتجي في جمبنا
البدع: محمد المحبي
ياحسن مبغي تعني بروحك عينوان
النخل خابرك مانته تريد الا رواه
ادري أن السكري والصفاري قد ربيته
مازرعت النخله الا تبي منها جناء
الرد:
الخبر فعلاً قريته ولكن عينوان
مدري م اللي بللغك ذالخبر والا رواه
أدري إنك تعرف الاجودي من قدر بيته
والوفاء والطيب منهاجك ومنهاجنا
البدع:المحبي
تذكر اللى في حقول الكويت انشى دخان
فى ظلام الليل يغدر بجاره ماحماه
الخبر فى كل الاقطار سار وذاع صيته
سجل التاريخ فى صفحته عما جنا
الرد
مانويت ابني فنادق ولا بنشيد خان
من وصل للشام لاتنشده عن ماء حماه
يالبنادم لو تعوّد لربك ذا عصيته
يغفر الزله وياكم صفح عن ماجنا
البدع: محمد المحبي
مانسينا فعل صدام واللي كان كان
مدري القانون بيجرمه والا براه
ليش جابر يوم جاء القوم مايحمي كويته
ما اختبا الا بدارنا واحتمى في جيشنا
الرد:
مايطيب الجرح بالخص لامن كان كان
لا تقول أن الطبيب عالجه والا براه
المريض تعالجه بالعسل والا كويته
مايجي بالمكرهية ولا ياجي شنا
البدع:المحبي
قالوا ان الطب حكمه قديمه من زمان
مهنة اللى تسلم الجن من ضربت عصاه
لاقرأ عالجن هذا يصيح وذا قنيته
لاتقل طب العرب فات وقته وافتنا
الرد
فارس(ن) يطعن بسيفه الين المزمان
مايسدد رميه الا على روس العصاه
غير قلى فين وديت جلبك ذا قنيته؟
لاتحاول يامحمد تهرب وافتنا
البدع:محمد المحبي
ادري أن الطب ماخوذ من علم القرآن
والطبيب اللي بيده عصاته من دهاه
ياطبيب ابشرك بالمريض اللي رقيته
راحة العله منه وأشكر الله وأحتنى
الرد:
ياحسن شوف الجبل له شعوف وله قران
وأن رقيته ياحسن والله إني منده آآه
الجبل ماهمني رحتله والا رقيته
اعرف أني لو رقيت الجبل ما طحت أنا
البدع:المحبي
الله اضهر حجتي وانت ماعندك بيان
وانت لوتاجي بحجه تراها منقضاه
والجبل لو نظهره يامحمد واعتليته
غيري اللى فى عطوف الجبل جاء وابتنا
الرد
اعترف قدام يتلون مظمون البيان
وانسحب من قبل ماتصدر احكام القضاه
لا تقول الكهرب الى انطفا ولعت ليته
ليش لا ذلحين ياشيخ ماجاوبتنا؟
البدع:محمد المحبي
الحجة موجوده لوكان مقصودي تدان
مانحتاج إنا نجيب المحامي ومحماه
البيان إن كان سرّيتبه والا تليته
أعرف انه زور ماصدقه من حبنا
الرد:
ياحسن شوف الجناء بالنخل قام إيتدان
حين راع المزرع اتكل بنخله ومحماه
ادري إنك بعد ريت الجناء أإتمنيت ليته
أن هذاك الثمر والذراء من حبنا
البدع: المحبي
المزارع عطل المسقوي والبورهان
مات– زرعه- وانثنى مالقهر يطوي رشاه
والسبايب واحد(ن) كلما ولشت ريته
يالمولش خفض الصوت لاياذي بنا
الرد
برّه اللى كل صبح ضري بالبورهان
كنه الذيب الذي بالعوى ( يطوي رشاه)
وانا مدري بعت سمن الجلب ولاشتريته
اعطنا لاخبار ياذيبنا ياذيبنا
البدع:محمد المحبي
ياحسن مافي عيوني عما والا عشان
وأنا راسي ياحسن بعد فيه المنعواه
أقدر اجيب الخبر لانويت ولا بغيته
والميت نأخذ علومه بعد من حينا
الرد:
ادري أن الذيب مانام ويجهز عشان
يوم يعوي الذيب فالحي يرقص من عواه
وأنت تدري مايجي للحلال الا بغيته
وأنت وش سراك ياذيبنا من حينا
 
وصلى الله على نبينا محمد وسلم