ما دامي قنيدي

الضلع عالي والهبايب قشرة
والليل ما يرحم لطال دماسه

كم لي وهمّي بالضمير احشرة
من شان ما يدري به البلّاسه

من فضل ربّي ما تبين الكشرة
لا جاء رفيقي ضايقات انفاسه

والصاحب الوافي حلالي خشرة
ما دام لحتجته قويٍ باسه

واشره على الطيّب ومثلي يشرة
والبحر ما يعومه سوى غطّاسه

يوم الخيانة بالرفق منتشرة
أنا رفيقي ما جرحت إحساسه

بس الخطأ مردود ماله نشرة
عند الفهيم وطيبته نوماسه

لو إنّي اسمع كلمة أهل الدشرة
ما كان ذكري سابق العسّاسه

ما دامها الدنيا تجيني بشرة
ما اراعي اللي ما يعرف قياسه

والله ما ترخص علي العشرة
ما دامي قنيدي عريبٍ ساسه