راع المصالح

الله يسوّد وجه راع المصالح
لا جايني خيره ويا كثر شرّه

وإذا بغى له مصلحة جاك فالح
ومعسول قوله كل واحد يغرّه

وإذا بغيته صدّ والوجه كالح
كنّ الجمايل تنكسر كسر جرّه

لو كل صالح صار بالفعل صالح
ما كان تلقى الناس دايم تشرّه

والبحر شكله زين لو كان مالح
عندي يساوي ناس منها مضرّه

والرجل لو يلبس جميع المشالح
ما دام ما له فعل ما به مسرّه

واللي بفعله ما يوصّف بشالح
لا مخلّدٍ ذكره ولا جاب درّه