سمفونية عطش - فايز الزعل

مسافة وتلهث فصدري هقاوي والدروب طوال
يادوب امشي وعكازة طموح الحلم مكسوره
عطش كل السنين اللي تمر دام العطش يختال
تعب كل العمر يدفن بحبر الالامنا سطوره
لمحت الصمت يجتاح المدينه والغموض اميال
سهل ان الشوارع تزدحم فينا ومهجوره
اشوف المورق بكل الأماكن يقطف الأمال
وحنا ماقطفنا الا ظلام ودمع يانوره
بكيتي وكنتي تعزي الخفوق بموتة الاجيال
ضحكتي والامل اخرس لسانه ريح مسعوره
فهمتي جيتلك دفتر تضمه شيطنه وهبال
سطوره تنقري لكن تجي احيان منثوره
أنا ويني ووين العقد والاشواق والخلخال
وتاريخ الشعر حولي ذبل من طار عصفوره
عروس الموت والحزن المعتق من شذى الترحال
عروس الموت لأغتال العطر في نشوة زهوره
مدام أن الغلا ينبت بقاع ماتمد اغلال
انا ليه أحرث فصدري وفاس الذنب مشهوره
ياحظك كنت اظن ان العمر بكره يمد ظلال
ولكن الطموح اللي رسمته مات بشعوره
اظن الشمس لو مره هدتنا طيبها بشوال
مهي لحظات وتكش النهار وتربك طيوره
يانوره كنت احسب اني على بيد التعب خيال
ولكن الرماح اللي بظهري حيل مغروره
شسولفلك انا اللي لو اسولف انعقد بحبال
أنا اللي لو فلت صمته يدين القوم مبتوره
مدام أن الشعر بوحٍ طحني لقمه للأمثال
لاخبز الجوع لعيون الفقارى بقلب تنوره
كذب مايندفن بير التعاسه لو نكب رمال
مهو عرفٍ قديم في رحاب البيد دستوره
عطاشى إيه عطاشى لكن الغيمه لها أحوال
دعاوي تلهث فصدري عسى هالارض ممطوره
وصلت لاخر حدود الجنون ولا قطعت البال
مدام الشعر يتنفس جهاتي جيت بسطوره
أنا ادري انك فصمتي شعلتي فبوحي الاطفال
مدام أن الشباب اللي فعيونك قايد الثوره
كذا حنا بها الدنيا بكى طفل وعقل رجال
قلوبٍ كم قست لكن ولكن حيل مذعوره
تعذربنا الملامح لاكتبنا والقوافي جال
غرق منهو غرق واللي نجى مهبول جمهوره
أنا اللي بعثر حروفه حنين ونكهةٍ وافعال
ولكن الفهم فيهم غبا ماتجاوزوا سوره
أنا اللي لبّس حروفه ذهب دام الصدى ازوال
انا ماجيت ابي لمعه بها خبث وبها عوره
عطش كل السنين اللي تمر دام الضما رجال
يصافحني يمينه وبيساره شوه الصوره
© 2024 - موقع الشعر