جتني اشاره

لـ عواد الهران، ، في غير مُحدد، آخر تحديث

جتني اشاره - عواد الهران

جتني اشاره واعتبرها هديه
رسالة(ن) وحروفها وقم سطرين

فيها سلام معززاً بالتحيه
يقول قصدي بس من باب تطمين

يقول عندي لك اسراراً خفيه
ومجمل اسراري خوف من قول ياسين

اخاف من صبحاً يمر اوعشيه
وتبدل الايام من غير تثمين

وآسف على مافات وابدي الشكيه
واعيش بين الناس في بحكم المساجين

وبقية اخباري كثيره اشويه
والله يعين الحال واقول آمين

يابنت هذي حالنا اوسطيه
مامننا يظمن حياته على وين

قلوب البشر باللي بها مكتفيه
ماعاد حنا بحاجة(ن) للبراهين

والخوف من باكر تريه المنيه
والحرض احياناً سلاحاً بحدين

ومازالت الدنيا بها مرحميه
فيها اعرافاً ثم فيها قوانين

خل التفاءل معك عطه اولويه
او ثبته يكون من ظمن تكوين

خل الامل دايم باراده قويه
وانسى ظنونك وادفن الشك يازين

لولا الامل ماعاد لحظه هنيه
ولولا الامل ذابت قلوب المحبين

ولن دق قلبك واعلن الجاهزيه
خذ فرصتك من غير تقول بعدين

الحب دنيا وعالم النرجسيه
لنه صدق منه ترى لاتخافين

صدق او وفاء ثم النفوس النقيه
عالم كبير ويتسع بس لاثنين

ماهو بحكراً والصفه عالميه
ماله حدود وياكثر له عناوين

مشاعراً مع منطقاً مع رويه
لكن:لاظمان ولا عقد تامين

عواد الهران
© 2024 - موقع الشعر