اخذ وعطاء

أخذ وعطأ
 
أخذ وعطأ الدنيا بضبط وموازين
ومامن خطأ الا برسم وضريبه
 
دنيا لها دستورها والقوانين
نظام ثابت والولي هو رقيبه
 
فرصه عطيني ياهوى البال تكفين
كوني حكم.حلّي اموراً صعيبه
 
افادتي لي وجه ماني بوجهين
كلّي صراحه ثم بالقلب طيبه
 
وباقي كلامي مثبتاً بالبراهين
الحق واضح ثم للحق هيبه
 
يابنت شفنا من العذارى مزايين
وكلا بهالعالم يلاقي نصيبه
 
وقلبي اختارك بين كل الملايين
واعلن وصرح واعتبركم حبيبه
 
كنتِ ولا زلتِ صور عمر وسنين
وفيما بعد متصورك لي قريبه
 
تذكري قلبي معك حكم تامين
وقلتِ بانك له علاج وطبيبه
 
تذكرينا شبه روحاً بجسمين
وتذكري حس ومشاعر عجيبه
 
وماذكرك باللي أكيداً تعرفين
مانتِ بدنيايا تراك الغريبه
 
قلت الذي بخاطري ومابقى شين
وضّحت حبك بارض عندي خصيبه
 
لاتزعلين ولا تقولين ياسين
لاياخذك ظناً وشكاً وريبه
 
قولي وحطي لذكرياتك عناوين
ولعل ردك مايكن لي خيبه
 
عواد الهران