اجازة للروح - عواد الهران

اجازتاً للروح
يوم الثلاثاء بصفحة النت لي لاح
في شاشة الجوال عرفت وش فيه
 
ابيات مطلوبه وانا بدرب مرواح
امخصصه والمنتدى هو راعيه
 
الاربعاء اخر وعد؟ وقت ذباح
ومدعو انا بالاسم من شخص اغليه
 
يالمنتدى واسم الحديثه لك ايضاح
الانتماء له حق ولزوم نوفيه
 
مدير واداره..رقابه ونصاح
اشراف والاعضاء(اسره اسميه)
 
طاقم ومختاراً ولاني بمداح
ورايي ترى مجروح يومنني ابديه
 
فيه الثوابت واضحه دون شراح
اموضحه في ظاهره ثم خافيه
 
اقلام تكتب والعناوين مفتاح
والحرف كنه ناطقاً في معانيه
 
ومن كل بحراً قطرتاً تقل مصباح
ومن كل علماً فايده بنقل راويه
 
فوايداً وافكار وحلول جراح
وروح الدعابه وابتسامه تواليه
 
كله تنوع والرقابه له اسلاح
عنوانه الفايز لمن هو يجاريه
اجازة للروح
 
انا باجازة روح والمطلب ارتاح
عمره لبيت الله والاجر باغيه
 
زيارتاً للي ارسله ربنا اصلاح
وقفت بالروضه بهمسي اناجيه
 
وزرت البقيع اللي كما المسك فواح
ومسجد قباء.عمره صلاتاً ترى فيه
 
المعذره وارجو السموحه من ملاح
موجز لايجاز اختصاراً لقاريه
 
عواد الهران
© 2024 - موقع الشعر