صدقت

صدّقت كلمه كونتها لي احرف
ثمنّيت قايلها وليفا ًموالي
 
صدقت وقلت احساس اظن مرهف
يومن همس بقولته انت غالي
 
صدقت انه نبع ود وبه العطف
صدقت في شخصة شوية كمالي
 
صدقت انه روض ورداً .وانا اقطف
وصدقت انه طول عمره قبالي
 
ومن عقب ماصدقت:صرت اتحسف
حيث الحقيقه اصبحت كالخيالي
 
كلام والهمسات وشلون تصرف
تصرف :اذا عقلي حواه الهبالي
 
عرفت انا مبداه...كله تكلف
والريح تلعب به جنوب وشمالي
 
ياليتني في عالمه..كنت اعرف
قبل كلاماً حاسبينه دلالي
 
صار بعذابي هاوياً ثم اسرف
شيئاً لمسته مهو قول وبدالي
 
واصبح بدنياي على الوتر يعزف
معزوفة التعذيب والقصد حالي
 
قلبي ومعاليقه مع عروق تنزف
صارت كما حبلاً..غدا رث بالي
 
وكم لحظة(ن) حسيت قلبي توقف
تعب من هموماً بدت كالجبالي
 
واذا ذكرت اسمه غدا القلب يرجف
ماعاد باقي له بفلكه مجالي
 
واللي براسي من عقل صار يأسف
يامنطقي كنه بدرب الزوالي
 
ويامل عيني تناظره ثم تذرف
ماهو لاجله...بس للي جرالي
 
ويامل روحي.خوفتي منه تتلف
واذا اتلفت وش عاد والله بقالي
 
طلبت منه قلت:بلحال انصف
ومر الطلب ولا جواب لسؤالي
 
وكررت شرح الحال بقولتي:شف
ياصاحبي خلاص تعذيبك طالي
 
انا جريحاًُ.وانت وحيد مسعف
ماسعفتي .اكيد مانت المبالي
 
حبك بقلبي ذاب ياسرع ماجف
معذور انا شيئاً وفوق احتمالي
 
حباً بهذا النوع خله على الرف
حيثة يعيش بقلب فارغ وخالي
 
عالرف حيثه عالنهايات اشرف
في عالمك مامر يوماً صفالي
 
بعلم اللغه والشرع وجوب يحذف
بقاموس دنيا الحب ماله توالي
 
هذي مشاعر لنزفت سرع تنشف
كلام معروفاً ومابه جدالي
 
والله كريماً ثم بالحال يلطف
(ماني بطماعاً.ابي راس مالي)
 
عواد الهران