صدقت

لـ صالح السهلي، ، في غير مُحدد

صدقت - صالح السهلي

صدقت : من يستاهلك / مانام لك
هذا لأنّك غير / ياصعب المنال !!

اشوف بعيونك فرح .. وآناملك
تكتب على شفاهي : حسبت أنّك محال

ليه .. انت تَحسبني كذا اجاملك؟!!
( يكفيني انّك قلت لي : تكفى تعال )..

حبيت فيك الصدق من تعاملك
صادقت من الحب .. لين القلب مال

اخذتني في طيبك اللي شاملك
واقنعتني من جد بأنك راسمال

لأن حظي قام / حظّك قاملك
ولأن مني فيك سبع من الخصال

سرْ انتصاري في رجاحة كاملك
واعلنتها حتى يفضون الجدال

هذي مجرّد تزكيه .. ماداملك
فيني من التقدير مافاق الخيال

لو بس شفت اشلون قلبي حاملك
عذرت دمعك .. ليه يوم اقفيت سال؟!!

يامنتهى التفكير شفني ( زاملك )..
.. مادامني سكنت صدرك من شمال

© 2024 - موقع الشعر