شمال غرب المملكه

البارحه ليلي سهرته لحالي
اقرا كتاباً ذكرياته قديمات
 
مرت على الخاطر افكار وبدالي
طيف الحبيب اللي بعيد المسافات
 
غرون وطيفه دايماً بخيالي
من البيض ماله عندنا من مثيلات
 
لاق التغلي ثم لاق الدلالي
ويليق للغالي بدون اعتراضات
 
هو الحلا والزين ثم الجمالي
هو الملاحه بين كل الجميلات
 
اللي تواصيفه كمال الخصالي
من بد جنسه له صفه مع دلالات
 
برياض نجد وهو بارض الشمالي
عليه قلبي والعيون الشقيات
 
شمال غرب المملكه لاجدالي
وان كان بالتحديد.(.هو .........)
 
ان غاب شخصه ياعرب وش بقى لي
حبه ترك لي بالضماير علامات
 
ياحالتي هي شارحه وش جرى لي
والقلب جاوب من اعماقه بونات
 
هماًتعدى طاقتي واحتمالي
لامن وسيله ولا عندي خيارات
 
غير الصبر هو مابقى من توالي
فيه الفرج ثم الامل والهدايات
 
عواد الهران