( الهوى غرب ) - غربي بن غلاب

هب الهوا في مهجتي والهوا غرب
يباري الأفكار نسناس نده

ذيدان فكري لو تزاحمعلى شرب
تشرب ضما من خافقي بحر جده

قميالدليله إخذ من هاجسي درب
بعد الصلاه اللعب ما منه صده

سند مع العتبان حول مع حرب
والضلع ثابت و البلا من يهده

إخذ على الطرقه رجال لهم ضرب
بأرض الجزيره بيدوا كل شده

كرام اللحى دام الرجوله لهمطرب
واليوم يا قل اللحى بالأشده

حتى المليحه عودت تتبع الجرب
والقرملا بد له يلزمه سده

والبوسنه جاها إنتفاضه على الصرب
في وقت فيه السيف مثلوم حده

عقب العجاج أمطار واليسر للكرب
والوادي الممطور سيله يلده

وأرض السلام تعاف من يطلب الحرب
والحرب من دون الكرامه نوده

اللي إنوخذ بالضرب يرجع لك بضرب
و الخوف ما يسكن نفوس محده

و الموت ما يترك ولا واحد هرب
والكيف له شراب و اللاش عده

من لا يزعزع في حياته جبل ثرب
هذاكلا قدي ولاني بقده

ماني حمامه هايمه تتبع السرب
الحر لا منه كفخ من يرده

والطيب له عنوان فالبعد والقرب
واللاش لاش لو تبينت ضده

القرش مخباك يا مدرهمه ذرب
ليته يروح بطيب لو شان كده

المرجله شيمه و قيمه و يا رب
سترك إلى وصل العمر جال حده

© 2024 - موقع الشعر