كل ما تغفى عيوني تنزنزني حلوم
يوم غيري تهتني عينه ابحلو المنام
كني اللي ينتهي وقته ابروس الرجوم
لا قدر يشّلع و جوّه يغطيه العسام
ما هزمني غير حظً وقع عيا يقوم
والا انا من صغر سني تعليت الغمام
أمتطي للصعب و أترك جراهيد الحزوم
وادمح الزله ولا إتبع لراعيها ملام
و الخفايا اللي تعدت مفاهيم السلوم
من فتحت الصدر طارت مثل ريش النعام
يا رفيق المصلحه كان بأجوائي تحوم
ما كسبت الا الهزيمه بتكثير الحيام
طول عمري ماعرفت اهتوي كثر العلوم
ولا رضيت الذل لو هو على راس السنام
ما خدمت الا #رجالً #عزيزينً #قروم
ولا تركت إلا سفيهً يصفصف للكلام
كان راسي ماخدمني و كبيت الرخوم
لا يعيش الراس كانه ينزّل لي مقام
والله اني بالعزيمه تعديت النجوم
لو اطيح اليوم ب ارجع سما #ستين_عام
ووالله اني ما تعودت تقبيل الخشوم
لين ما تذوي حياتي لمنطوق الختام

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر