بنك المعاني

لـ أحمد الأسلمي، ، في المدح والافتخار، آخر تحديث

بنك المعاني - أحمد الأسلمي

اليوم فكري عاليً من يضاهيه
كن الشعر صنً و انا فيه إكّه

أكتب شطر وأرجع دقايق أغنيه
و أسابق المعنى ليا حد مكّه

في نصفي الأيمن بيوتً تصاليه
وفي نصفي الأيسر من الوقت حكّه

بين المراجل و البداوه الآقيه
يوم الغزل يجلب لي أحيان لكّه

انصح وانا يمكن خطائي مذريه
لكّن عقلي ما دخل فيه ركّه

و الشعر وهبه ما شرينا معانيه
بنك المعاني بالقصايد نشكّه

والنصح لا منا بغينا نسويه
يهكر العقل المشفّر يفكّه

ياخوي خلك حر تكفخ جناحيه
ان وصّلت يا طير شلوى محكّه

خلك سما فوق الثريا مواريه
واللي يهوزك بالمخاليب ذكّه

الطيب خلك يالسنافي مقدّيه
ترى عدوك صابته منه تكّه

والخبل خله لو يزيد المشاريه
لو الخبل ما منّه أحيان فكّه

لا من زعل أحذر تجيه وتراضيه
ترى يزيدك هم لا جاه شِكّه

خلك حزام اللي يشرف مخاويه
واللي يعكك لا قسى الوقت عِكّه

واللي يغثك في سوالف معاليه
اليا رفع راسه على الوجه صِكّه

© 2024 - موقع الشعر