يازين القصيد اللي رموزه على معناه - مضواح بن شتوي

يازين القصيد اللي رموزه على معناه
لوّ إن القصايد بعضها دابلٍ كبدي
 
ياشعار ياجمهور من ضاع ولا تاه
عليكم تردونه عن الدرب لايغدي
 
رفيقٍ يصارحني وينصحني اين القاه؟
تهمه مواضيعي ووده على ودي
 
رفيقٍ لمنه شافني فز من مركاه
وليا من زهمته ربع ساعه وهو عندي
 
اذا شافني اخطيتها قال لا بلاّه
واذا شافني دليتها قال لي مقدي
 
ياكثر النشاما اللي مثل حضرته كثراه
مطاليق في شدات الازمات تنعدي
 
ولاهو بشرط انه قريّب وراعي جاه
لوّ انه من الاجناب ما جدّه بجدي
 
لوّ انه من ادنى كوكب الارض والا اقصاه
من الروم ولا الفرس ولاّ من الهندي
 
عسى اللي يدور للخطاء والرداء يفداه
لما شاف له متجمل قال متردي
 
انا ما بخاوي مثل هذا ولا شرواه
لوّ انه سعادة رئس لي وانا جندي
 
مضواح بن شتوي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر