يالله ياللي تعلم السر والغيب
يالواحد اللي كلنا نلتجي له
ننفق ولانحسب لما كان فالجيب
وأنت الكريم اللي تعوض بديله
ياالله قدرني على مدة الطيب
وعساني أقوى للحمول الثقيله
مانيب من يشكي من الوقت مانيب
ولانيب أمِل من الدروب الطويله
رتبت أنا وضعي مع الناس ترتيب
وعلقت نفسي بالحياة الجميله
وجنبت من صغري دروب العذاريب
ودرب الردى وأهل الردى والرذيله
وجنبت أنا الشرهه وكثر المطاليب
وأبعدت عن شلة بليس وعميله
وشيبت أنا وأنا بعيد(ن) من الشيب
وش حيلتي ياوقت مافيك حيله
شكواي للي يعلم السر والغيب
الواحد اللي كلنا نلتجي له

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين