ام عفاش

لـ سلطان العتيبي، ، في غير مُحدد، آخر تحديث

ام عفاش - سلطان العتيبي

سلام من حي/ن على ميت/ن عاش
ميت بعد دفنه يقولون عاشي

سلام/ن احلا من حليب ام عفاش
اللي لها بالسوق دايم هواشي

وعفاش قبل امه تنادي بعد هاش
ورحنا من الراعه سوات الفراشي

واطلق شنب يالبدر قدامي انحاش
اسرع من اللمعه بوسط الفلاشي

ويالبدر ابن عمك على صالي الجاش
وحبه طحن يالبدر واصبح دشاشي

يشقى مع الايام والوقت غشاش
واليا ذبح عقرب طلع له حناشي

واصحابنا باعت شيمها على ماش
والثلب يقتاده مع الدرب حاشي

بيوتها غيران واسقوفها عشاش
وانا حلفت ايمان ماسكن عشاشي

وصاحبك له يومين والزاد فشفاش
ومن السفر راحت عظامه قشاشي

افزع لنا بالما وحطولي افراش
اللنوم في راسي ترزم وناشي

© 2024 - موقع الشعر