يا أمهات الشام

كل عام و أنت بخير ...... يا أم الشهيد
شو بتوصينا ..... لعند أبنك نحنا رايحين
شهداء بكره نحنا .... حملينا المراسيل
و إن نسينا الثار ....... ....دوسي علينا
و نحنا نايمين
●●●
سلمولي عليه ...... و قلوله يا ضناي
دمك ما بروح هدر ......... يا نور العين
و بوسوه من كل خد ......... و شموه
وقلوله طال الغياب ...... يا حبة العين
نحنا بعدك ..........مثل الجبال واقفين
تطمن النصر إلنا ......... و لو بعد حين
●●●
آه يا أمي ... الله يرحمك
..... فاتك كثير
لو كنت بصباك معنا ...
بتذكرك يا أمي ... لما قلتي
الشام شامة الدنيا .. و الدين
كل من شرب من .. مياتها
مهما غاب ....برده الحنين
وصاياك يا أمي ... بعدها بالبال
عن أرضنا ... و حكايات الياسمين
كل الناس .... بتذكر الأم مع دموعها
إلا أنا بذكر .. أمي بفزعاتها الحمشين
ما مرة شفت بعيونها ... دمعة الخوف
كان دمعها بس شوق ... على الغايبين
كل عام و انتم بخير ... يا أمهات
كل عام و انتم بخير ... يا حنينين