يا رجال الشام

وش جناية شعب اعزل تذبحه صبح و عشيّة
لانه اعلن انتفاضة ضد حكام الفساد ؟؟

وش جناية هالحراير يذبحون بلا رويّة
سامية تغريد هيفا نادية بسمة سعاد

اه يا الطفلة علا يا وردة اهل اللاذقيّة
توها عامين و اشهر حركت حتى الجماد

شخص ما عندك ضمير و لا انتماء و لا هويّة
لعبةٍ في يد نصر اللات من بعده نجاد

تحسب ان الشعب خايف من رجوم المدفعيّة؟
تعقب و تخسى و تقطع جالك العلم الوكاد

انت بين احفاد ابو سفيان و أجداده اميّة
تهجدك ابطال سوريّا وسط دارك هجاد

انت بين التل و الغوطة و نار سقيلبيّة
تلعنك درعا و دير الزور لك سم الفؤاد

ليه ما ترسل جنودك للجنوب اللي ابيّة
ترجع الجولان يا بشار من ضمن البلاد

و الا هي راحت هدية آسفه قصدي وصيّة
لان ابوك اوصاك ع الجيران ما تضغط زناد

هضبة الجولان جنة ضاعت و صارت ضحيّة
باعها الهالك بدون أثمان او حتى مزاد

يا رجال الشام سلوا هالسيوف الدمشقيّة
واحصدوا روس الكلاب و من يعاونهم حصاد