أحد رجال بفعوله و احد ماغير اسم رجال

لـ رائد العالي، ، في الحكمه والنصح، 1،104، آخر تحديث

أحد رجال بفعوله و احد ماغير اسم رجال - رائد العالي

صحيح ان المواقف تظهر الطيب من البطال
يبين الرجل في وقت اللزوم وساعة الشده

احد رجال بفعوله واحد ماغير اسم رجال
و احد لو في يديه الخير عن كل العرب رده

عليك بواحدٍ لامن دعيته في لزومك قال
انا لك يارفيقي واحتزم للازم وسده

هذا والله رفيقٍ في وجوده مايضيق البال
على مر الزمان اللي يهوّل جزره ومده

يعيش الطيب بصدور النشاما والرجال افعال
وذكر الطيبين يبين مهما طالت المده

عواصيف الزمن مهما تحاول ماتهز جبال
ولكن الجدار اللي ضعيف ومايل تهده

© 2023 - موقع الشعر