يزعل عليّه .!! - صالح بن عمار

عشرة ثواني ..! جابها الليل وياه.
حيّ الغضي واللي لمحناه حيّه.!!

الشعر غنّى .! والوعد مع شفاياه.
في ليلةٍ سميتها .... ( حاتميه ).!!

لهفة موده .... ساقت اللي تمناه.
وساق الوله .!! في ليلةٍ مخمليه.!!

الشوق ....! صوّت للمشاعر ولباه.
قلبٍ .... هتف له بالغلا والتحيه.!!

ياليل جزل الشعر بالوصف حكناه.
مثل البرد لون الغضي.! والبقيه.!!

قطنية الملمس ..... عجيبه خلاياه.
عطريةٍ ....! في روحها جاذبيه.!!

المبسم اللي نادرٍ ..... في حلاياه.
هز الفكر .... تصوير رب البريه.!!

ريقه ....! سكاكر لذته في خفاياه.
خمرٍ مباح ...... وسَكرةٍ عاطفيه.!!

عيني على خده ...!! وليلٍ تغشاه.
الوصف عندي بس فيها خطيه.!!

اليا وصفت الخد.! يزعل علي فاه.
وانا ماودي فاه ...! يزعل عليّه.!!

نجل العيون مكحّله .! بالهدب تاه.
شاعر نظم .! صوّر بيوتٍ جريه.!!

وباقي وصوفه سببت لي معاناه.
اقلّها ......!! شبّت عروقٍ خفيه.!!

زينه شلع قلبي وجرّه من اقصاه.
والصوت خلاّ حالتي فوضويه.!!

صب السهر بالعين حتى سهرناه.
و روّح و روحي تنشده عن مجيه.!!

رفع يمينه ...!! ثم فتح كف يمناه.
خمسة ليالي ..! بين جيه و جيه.!!

مشاعري ..!! بين الثواني تحراه.
وتفداه روحي .. لو طلبها عطيه.!!

عواطف الشاعر نثرها في معناه.
تندف ضلوعه.! لين جاتك كذيه.!!

© 2024 - موقع الشعر