أنا ضيقة الدنيا - دحام المنور الخالدي

أنا ضيقة الدنيا بيوم الفضا رحِب
وانا متعة الوحدة ليا ضاق خاطِري

وانا كلمتن لو توصف بقلّة الأدب
بها راي عدلٍ .. صار ينسب (لهوبَري)

وانا شاعرن يسكر على حبة العنب
لو ان (الخوابي) فايضة من مشاعِري

لو آجرّها حزنن تشوش البشر طرب
تقول النفوس امجندات ٍ باوامري

وأنا راية العزة لو الملتقى حرُب
بساعة جنوني بارقات ٍ جواهري

لو ان النداوي مخلبه يفري السحب
متون الثريا .. خامشتها أظافري

ولو ان العرب قفّت عَطِ الظهْر للعرب
ولا صحت فاللي غادرت لا تغادري

ولاني بقايل: يا (سقى الله) يوم حب
لو القفر يشمخ بالتحاسيف عامري

على دلة فاحت على حامي اللهب
أجيب الخبر صامل تحت جنح سامري

إلى من زعل وبدون داعي ولا سبب
تخيّر من الجدران تلقى بها طري

© 2024 - موقع الشعر